Віктарына “ Песні роднага краю”

“Я хадзіў па зямлі тваёй, слухаў твой  голас…”.

                                                                                                                                                              М. Браўн, пераклад А. Бялевіча.

Мэта, задачы мерапрыемства:

—  замацаваць веды навучэнцаў, вучыць знаходзіць глыбокі сэнс у музычных творах, прыйсці да высновы, што музыка – гэта жыццё;

— развіваць лагічнае мышленне;

— выхоўваць эстэтычны густ.

Тып урока:  урок-віктарына.

 

                                    Ход мерапрыемства

Арганізацыйны момант.

Уваход у клас пад музыку “Сімфаньеты До мажор” М. Аладава (1ч.).

— Сёння мы з вамі пагаворым пра песні роднага краю. Мерапрыемства пройдзе пад дэвізам “Беларусь – мая песня”.  Як вы разумееце эпіграф “Я хадзіў па зямлі тваёй, слухаў твой голас?”(…). На ўроку мы абагульнім нашы веды ў выглядзе віктарыны.

Раздаю лісты, на якіх напісаны пытанні (розныя варыянты).

Тэарэтычныя пытанні:

—  Нагадай народныя песні, якія адлюстроўваюць быт беларускага народа, яго звычаі, традыцыі.

—  Дакажы, што з песняю і работа ідзе спарней.

—  Што значыць “апрацоўка” песні?

—  Нагадай беларускія народныя танцы. Што ім характэрна?

—  Назаві асаблівасці беларускіх народных песень.

—  Што такое кант? Прыклады.

—  Як ты разумееш выказванне “Песня – душа народа”?

—  Назаві творы, якія (на тваю думку) выхоўваюць сэрца.

— Якія вядомыя народныя мелодыі выкарысталі кампазітары ў сваіх творах? (Назваць аўтараў,  іх творы і выкарыстаныя мелодыі).

—  Ці можна ўбачыць музыку? Праклад(ы).

—  Дакажы, што музыка – гэта жыццё. Прыклады.

—  Нагадай вядомых баларускіх кампазітараў.

—  Якія ты ведаеш беларускія балеты? Прыклады.

—  Якія ты ведаеш беларускія оперы? Прыклады.

—  З якіх інструментаў складаецца сімфанічны аркестр?

— Якія музычныя інструменты могуць перадаць ласку, пяшчоту, а якія – рашучасць, пагрозу? Прыклады.

—  У якіх музычных жанрах музыка цесна звязана з літаратурай? Прыклады.

І іншыя пытанні.

Музычная віктарына:

— Які жыццёвы змест закладзены ў гэтым творы? Нагадай яго (гучыць фрагмент “Сімфаньеты” М. Аладава).

—  Ахарактарызуй музыку (гучыць фрагмент “Адажыо” з балета “Маленькі прынц” Я. Глебава).

—  Аб чым (ці кім) расказвае гэта музыка? (Гучыць мелодыя без слоў “Белая ў возеры лебедзь” – хор русалак Р. Пукста з оперы “Машэка”).

—  Праспявай песню (паказваю мелодыю, пяюць са словамі па 2-3 вучня) і іншыя.

 

Конкурс народных беларускіх песен

 

Выхад з класа пад музыку В. Войціка “Забавы” (фрагмент).